جولداۋ  مىندەتتەرى ورىندالۋدا

اقسۋ – مەتاللۋرگتەر مەن ەنەرگەتيكتەردىڭ قالاسى.  فەرروقورىتپا زاۋىتى  مەن «ەۋرازيالىق ەنەرگەتيكالىق كورپوراتسيا» اق ءبىزدىڭ قالامىزدا ورنالاسقان. ەلەكتر ستانسالارى ەلىمىزدىڭ وڭتۇستىك وبلىستارىن ەلەكتر ەنەرگياسىمەن قامتاماسىز ەتەدى.  وندىرىستىك قۋاتتى ارتتىرۋ ماقساتىندا اقسۋ فەرروقورىتپا زاۋىتىندا №45 جانە №46 پەشتەرگە گاز تازارتقىش قۇرىلعىلارىن سالۋ, №4, №6 تسەحتاردى جاڭعىرتۋ جۇمىستارى جۇرگىزىلەدى.  ال «ەۋرازيالىق ەنەرگەتيكالىق كورپوراتسيا» اق-تاعى كۇل ءۇيىندىسىن شىعارۋ, تسيكلدىق-اعىمدى كەشەندى سالۋ جۇمىستارى جالعاسۋدا.  جانە دە اقسۋ جەس-ىندە 5-ءشى ەنەرگوبلوكتى قايتا جاڭارتۋ باستالدى. سونىمەن قاتار, سولۆەتكا اۋىلىنداعى ەلەكترمەن جابدىقتاۋ جۇيەلەرىن قايتا جاڭارتۋ ءۇشىن 35 ميلليون تەڭگە ءبولۋ جوسپارلاندى. ءوندىرىستى قالامىزدا شاعىن جانە ورتا بيزنەس, اۋىل شارۋاشىلىعى سالاسى جاقسى  دامىپ كەلەدى. شاعىن جانە ورتا بيزنەستىڭ 3 مىڭنان اسا نىسانى بار. ولار شىعاراتىن ونىمدەردىڭ ۇلەسى وبلىس بويىنشا جالپى ونەركاسىپ ونىمدەرى كولەمىنىڭ 28 پايىزىن قۇرايدى.  بۇل ءۇشىن ەلباسى جولداۋىنىڭ باسىم باعىتتارىن نەگىزگە الامىز. ماسەلەن,  «قولجەتىمدى باس­پانا-2020» باعدارلاماسى اياسىندا جۋىردا عانا قالاداعى  ەكى 64 پاتەرلى ءۇيدىڭ قۇرىلىسى اياقتالدى.  ينچحونداعى XVII ازيا ويىندارىنىڭ كۇمىس جۇلدەگەرى داۋلەت شابانبايعا ەكى بولمەلى پاتەردى سىيعا بەردىك. بۇل كۇندەرى قالانىڭ اۋىلدىق اۋماعىنا قاراستى  قالقامان اۋىلىندا 300 ورىندىق مەكتەپتىڭ, جولقۇدىق اۋىلىندا دارىگەرلىك امبۋلاتوريانىڭ قۇرىلىستارى باستالدى. قالاداعى ورتالىق اۋرۋحاناعا 93 ميلليون تەڭگە قاراجات ءبولىنىپ, كۇردەلى جوندەۋ جۇرگىزىلدى. اۋرۋحانادا دياليز ورتالىعى اشىلدى, ول بۇيرەگى ناشار ناۋقاستاردىڭ دەنساۋلىعىن جاقسارتۋعا مۇمكىندىك بەرەدى. جولداۋ اياسىنان ءوربيتىن بارلىق جۇمىستار حالىقتىڭ الەۋمەتتىك جاعدايىن جاقسارتۋعا باعىتتالعان.  اقسۋداعى  اۆتوكولىك جولدارىنىڭ جالپى ۇزىندىعى 384,4 كيلومەتردى قۇرايدى, ونىڭ ىشىندە 139 كيلومەترى – رەسپۋبليكالىق, 111 كيلومەترى – وبلىستىق, قالعانى اۋداندىق ماڭىزى بار جولدار. بىلتىر  ۇشتەرەك اۋىلىنا كىرەبەرىس جولدار جوندەلدى.  اقسۋ مەن پاۆلودار قالالارى ارالىعىندا ەرتىس وزەنى ارقىلى جاڭا كوپىر سالىنۋدا.  شاعىن قالانى دامىتۋدىڭ كەشەندى جوسپارىنا كوپتەگەن نىسانداردىڭ قۇرىلىسى مەن قايتا جاڭارتۋ شارالارى ەنگىزىلدى. ونىڭ بارلىعى رەسپۋبليكالىق بيۋدجەت ەسەبىنەن قارجىلاندىرىلادى. قالالىق جىلىتۋ قازاندىعىن سالۋ, ماگيسترالدىك جانە كۆار­تالارالىق جىلۋ تراسساسىن, ماگيسترالدىك جانە كۆارتالارالىق سۋ قۇبىرلارىن قايتا جوندەۋ, قاتتى تۇرمىستىق قالدىقتار پوليگونىن تۇرعىزۋ جوسپارلانۋدا. ورتالىق جاعاجايىن قايتا جاڭارتۋ, قالا جولدارىن قايتا جوندەۋ, جارىقتاندىرۋ وبەكتىلەرىن قايتا جاڭارتۋ, جولقۇدىق, پوگرانيچنيك اۋىلدارىنىڭ سۋ قۇبىرلارىن قايتا جاڭارتۋ سەكىلدى شارالار بار. جۋىردا «قىزىلجار-قۇس» جشس قۇس فابريكاسى جۇمىسىن قايتا باستادى, ونىڭ وندىرىستىك قۋاتى جىلىنا 8 مىڭ توننا ەتتى قۇرايدى. كاسىپورىندا 240 ادام جۇمىس جاسايدى. ەكىنشى جوبا بويىنشا «پتسف دانيەر» جشس نەگىزىندە جىكسىز بولات قۇبىرلار وندىرەتىن تسەحتىڭ قۇرىلىسى قولعا الىنۋدا.  سونداي-اق, قوسالقى ءوندىرىس جانە سەرىكتەستىك باعدارلاماسى بويىنشا  كاسىپورىندار مەن شاعىن كاسىپكەرلىكتەر اراسىندا ارنايى كيىمدەر تىگۋ جانە جوندەۋ, قۇرىلىس جۇمىستارى, اۆتوكولىك قىزمەتتەرى, كوكونىس جانە ءسۇت ونىمدەرىن جەتكىزۋ جونىندە بىرىگىپ قىزمەت ىستەۋ كەلىسىمشارتتارى جاسالدى. بىلتىر تۇرعىندار «جۇمىسپەن قامتۋدىڭ جول كارتاسى-2020» باعدارلاماسى بويىنشا 50 باس سيىر مەن ءبىر اسىل تۇقىمدى بۇقا, «سىباعا» باعدارلاماسى بويىنشا 4 اسىل تۇقىمدى بۇقا مەن 33 سيىر ساتىپ الدى. اقسۋ قالاسى مەن قالانىڭ اۋىلدىق اۋماقتارىندا  70 مىڭعا جۋىق حالىق تۇرسا, ونىڭ  44 مىڭى قالانى, قالعاندارى نەگىزىنەن 11 اۋىلدىق اۋماق قۇرىپ وتىرعان  40-قا جۋىق اۋىلداردى مەكەندەيدى. اۋىلدىڭ قالاعا, قالانىڭ اۋىلعا قاراساتىن ءوزارا بايلانىستارى جاقسى جولعا قويىلعان. قايرات نۇكەنوۆ, اقسۋ قالاسىنىڭ اكىمى. پاۆلودار وبلىسى, اقسۋ قالاسى. سۋرەت: http://zholdau.kz